Þjóðvegurinn Herjólfur

  Mikil mótmæli voru við Herjólf áðan þar sem gjaldskráin var að hækka um meira en 10%.  Um 500 manns mættu niður við höfn og klukkan 4 heyrðist mikið bílaflaut og ég frétti að Herjólfur hafi kvatt með þokulúðrum sínum.

  Ég held að fólk uppi á landi hafi engan áhuga á þessu máli, þetta er þeim mjög fjarlægt hvort það kostar 2 eða 3000 krónur með Herjólfi fyrir manninn.

  Staðreyndin er auðvitað sú að ef þetta á að heita okkar þjóðvegur, þá á hann að vera gjaldfrjáls fyrir bifreiðar, því þú kemst ekki öðruvísi þarna á milli.  Eða er það ekki ?  Þannig virka þjóðvegir og rökin fyrir því að gjaldtaka Hvalfjarðargöngin á sínum tíma var að þeir sem ekki vildu borga ættu þá kost á að aka Hvalfjörðinn.

  Í Akraborginni í gamla daga borgaði maður fyrir bílinn, en ekki farþegana.  Í Herjólfi er greitt fyrir hvern farþega sem ferðast með bílnum og svo líka fyrir bílinn.  Einn mánuðinn keypti ég 3 kort í Herjólf alls 43 þúsund krónur og er ég þó bara með vísitölufjölskyldu og ekki mikið á ferðinni.

  Ég kemst Hvalfjarðargöngin næstum 200 sinnum (5 sinnum á dag alla virka daga) fyrir þá upphæð á mínum fjölskyldubíl og það jafnvel með hann fullan af fólki.

  Og svo vælir fólk sem þarf að borga í þessi göng !

  Svo eru menn hissa á að það fækki fólki í Eyjum.

Athugasemdir

[Fishandchips, 31.1.2007 kl. 21:43]

Þú getur náttúrulega alltaf synt... Bara að grínast. Nei, þetta er bara enn einn skatturinn á okkur Hef oft notað Herjólf, reyndar mest þann eldri, lítið hinn nýjasta. En ef þú kýst að búa á eyju, þá hlítur það að hafa vissan kostnað í för með sér

[Ólafur fannberg, 1.2.2007 kl. 08:46]

fer oft á ári til eyja með herjólfi til að kafa svo ég stend með ykkur eyjaliðum í þessu