Ferðalagið hefst á morgun

  Áðan var fundur um ferð skáksveitarinnar á Norðurlandamótið um helgina sem haldið verður í Svíþjóð n.k. föstudag, laugardag og sunnudag.

  Við förum með seinni ferð Herjólfs á morgun og gistum í gistiheimilinu Alex í Keflavík fyrir flugið.

  Flugið er síðan á fimmtudagsmorgun kl. 7:50 og millilendum við og skiptum um vél í Ósló.  Þegar til Stokkhólms kemur förum við með rútu til Örsundsbro og síðan verður líklega náð í okkur og farið til Björkdala sem er staðurinn þar sem við gistum.

  Mótið hefst á Sænskum tíma á föstudag kl. 17 og ætla ég að blogga á meðan á mótinu stendur, eða það er a.m.k. ætlunin.

  Vonandi fylgist þið með gengi íslensku-Vestmanneysku sveitarinnar á blogginu og annar staðar.

  Endilega setjið inn athugasemdir svo ég viti nú að einhver sé að fylgjast með, annars mun ég örugglega gefast upp.

  Og þá hefst skákkennslan.  Hvað á hvítur að gera ?

Athugasemdir

[Ragnheiður Ástvaldsdóttir (IP-tala skráð) 5.9.2007 kl. 10:59]

Góða ferð og gangi ykkur vel.

[Sigþóra Guðmundsdóttir, 5.9.2007 kl. 11:28]

Gangi ykkur vel... og góða ferð! Ekkert smá ferðalag!

[Karl Gauti Hjaltason, 5.9.2007 kl. 12:24]

  Takk fyrir Ragnheiður og Sigþóra.  Gaman að vita að það séu fleiri að fylgjast með þessu en bara þeir sem tengjast skákinni.