Herjólfur á hálfri ferð

  Þá erum við komnir upp á land og gistum í Alex gistihúsum í Keflavík rétt við hliðina á flugvellinum.  Við erum reyndar svo nálægt að líklega vöknum við þegar ræstitæknarnir fara að vinda tuskurnar í morgunsárið.

  Ferðin með Herjólfi tók sinn tíma, því stuttu eftir brottför tilkynnti skipstjórinn að önnur aðalvél skipsins hefði bilað og sigldum við á hálfri ferð til Þorlákshafnar og komum þangað rétt upp úr kl. 20.  Ferð sem venulega tekur 2 klst. 45 mínútur tók rúmlega 4 tíma.  En það var ágæt mynd í sjónvarpinu.  Aðeins bar á sjóveiki á leiðinni, enda þung undiralda á leiðinni.

   Strákarnir eru bara hressir.  Nú er bara að fara fljótlega að sofa því þeir þurfa að fara á fætur kl. rúmlega 5 í fyrramálið og við tekur langt ferðalag.

 Herjólfur í ólgusjó.

Athugasemdir

[Jóhanna Alfreðsdóttir (IP-tala skráð) 6.9.2007 kl. 16:04]

Sæli allir

Hann getur verið erfiður hann Herjólfur  en ég veit að það þarf meira til að buga ykkur!

Góða ferð og gangi ykkur allt að sólu. Við munum fylgjast með ykkur. Krakkarnir í 5. JA senda báráttukveðjur.

kveðja Jóhanna A