Ámátlegt rökþrot.

   Nú rembast þeir eins og rjúpan við staurinn við að réttlæta þennan óskapnað og minnisvarða um eyðsluhyggju og sóun síðustu ára.  Því tónlistarhús er auðvitað ekkert annað.  Kostnaðurinn og rekstur þessa húss leggst sem drápsklyfjar á þjóðina á versta tíma.

  Þessir sömu menn munu koma eftir 3 eða 6 eða 9 ár og reyna að telja okkur trú um að bygging þessa húss hafi verið skynsamleg þrátt fyrir allt.  Þetta munu þeir reyna eftir að aurunum hefur verið pungað út og þeir afskrifaðir í bókhaldinu því þá hefur fólkið í landinu greitt fyrir allt bruðlið.  En reksturinn einn og sér er svo þungur að það tekur líklega minnst áratug eða tvo að ná honum niður í það sem þjóðin hefur efni á ef hagvöxtur verður viðstöðulaus.

  Nei, þessi bygging er sannkallað hryllingsafkvæmi eyðsluseminar.  Er nema furða að ælan komi upp í kok margra.

   Vil enn og aftur minna á að þetta hús átti að kosta 6 milljarða árið 2002, en er skv. nýjustu útreikningum komið vel yfir 26,5 milljarða (25 milljarða fyrir ári) !  Og enn vilja menn halda áfram með þennan óskapnað góðærisruglsins !

  Og reikningskúnstirnar um rekstrartekjur þess á ári, hvernig líta þær út :

  Framlag ríkis og borgar ... 808.000.000   Leiga frá Sinfóníunni ....... 101.000.000
  Salir og fundaherbergi .... 229.000.000   Veitingarými .................... 140.000.000
  Aukin aðstaða ................. 190.000.000    Bílastæði ........................    63.000.000
  Aðrar tekjur ...................  121.000.000
  Semsagt halli upp á 50 % og hluti af hinum tekjunum koma beint frá ríki eða borg svo hallinn er í raun talsvert meiri.  T.d. er Sinfóníuhljómsveitin bundin í báða skó með leigu næstu árin og ekkert unnt að skera þar niður að óbreyttu!   Athugið þessar tölur vel.  Hvaða lærdóm má draga af þeim ?  Hreinlega draumsýn úr fílabeinsturnum fáránleikans.  Þetta eru svona dæmigerðar tölur þar sem menn eru að reikna sig niður að núlli.  Og hvaðan kemur hvelftin af peningum í reksturinn ?  Frá ríki og bæ.  Ætla menn virkilega að halda áfram að réttlæta þetta bull ?

  Nú þegar þarf að spara í öllum hornum, sjúkrahúsum, elliheimilium og á geðsjúkum þá er þetta verkefni það mikilvægasta.  Er Salurinn í Kópavogi bara ekki full nógu góður enn um sinn ?

  Og hver eru rekstrargjöldin á ári ?

  Stjórnun og skrifstofa ........ 176.000.000    Markaðskostnaður .............   20.000.000
  Lausráðið starfsfólk ........... 114.000.000    Starfslið á tónleikum ..........   72.000.000
  Fasteignagjöld .................. 147.000.000     Viðhald .............................. 111.000.000
  Orka, sorp, gæsla, ræsting    80.000.000    Tryggingar og bílastæði ....    71.000.000
  Afborganir og vextir .........  860.000.000

  Vaxtaklafar næstu áratugi !  Það er greinilegt að þetta var allt saman reiknað út fyrir hrunið með þeirri blindu sem menn voru þá haldnir.  Og hvað með samkeppnissjónarmiðin, hvað segja þeir sem eru að reka sali á þessu sviði ?

  Ríkisstjórnin segir að spara þurfi 170 milljarða á næstu 3 árum og öllum finnst mikið til koma, en þarna er bara 10% af þeirri tölu í tóma vitleysu.

Harpan mun skapa mikinn gjaldeyri

Athugasemdir

[GAZZI11, 13.3.2010 kl. 11:53]

Sammála

Sennilega þarf að fá um 2.000 manns að borga sig inn á hverjum degi til að hlusta á .....

Glætan að þetta borgi sig einhvern tíma upp.

Stórkostlegar reiknikúnstir menningarmeistaranna hafa stigið hér í hæstu hæðir..  

[Þórarinn Baldursson, 13.3.2010 kl. 12:18]

Sæll frændi, já ég er sammála þér þetta er alveg magnaður andskoti! en þetta ber altt að sama brunni hjá þessum fáráðum sem sitja við stjórnvölinn.

[Lúðvík Júlíusson, 13.3.2010 kl. 13:03]

alveg sammála þér!  -  Hvar færðu þessar rekstrartölur og hvar get ég nálgast þær?

[Eva Sól (IP-tala skráð) 13.3.2010 kl. 13:26]

Sammála þér. Á meðan er ekki óhætt að skilja afar veikt barn eftir eitt á Barnaspítala Hringsins af því að hann er svo illa mannaður að starfsfólkið þarf að forgangsraða börnunum eftir því hve veik þau eru (er með frétt af lítilli 3 ára stelpu með blóðsjúkdóm í huga). Þetta er þyngra en tárum taki.

Er ekki ágætt að skoða forgangsröðunina aðeins betur? Hvernig myndi fjölskylda forgangsraða? Yrði heilbrigði ekki sett í forgang? Flottræfilshátturinn væri líklega neðarlega á lista.

[Hamarinn, 13.3.2010 kl. 13:36]

Sprengja þennan óskapnað í loft upp. Sé alltaf fyrir mér spjátrunginn saklausa á teinóttu jakkafötunum og sonarræfil hans þegar ég sé þetta hrúgald.

Oj bara ég þarf að æla.

[Gunnar Eyþórsson (IP-tala skráð) 13.3.2010 kl. 18:04]

Ég get ekki sagt að ég sé sammála ykkur hér. Þó svo að skilja ætti þetta hálfbyggða hús eftir sem minnisvarða, um hvernig þjóð geti afvegaleiðst, myndu miklar sektir fylgja öllum þeim samningum sem yrðu riftir við það. Auk þess skapar framkvæmdin störf og húsið svo gjaldeyri tengdum auknum ferðamannastraumi. Þetta eru nú engir fátækir námsmenn sem eru að sækja þessar ráðstefnur.

Fyrst að byrjað var á þessu á einfaldlega að klára verkið. Flestir eru sammála að túrisminn sé hinn besti iðnaður. Þá þýðir ekki að hafa miðborg höfuðborgarinn eina rjúkandi rúst.

Mér skilst að öll VIP aðstaða hafi verið fjarlægð, þannig að eftir stendur bygging sem muni þjóna hlutverki sínu vel.

Ef það er einhver bygging sem þjóni engum tilgangi örðum en að brenna peningum, þá er það Perlan. Miklu skynsamlegar væri að sprengja hana upp í loftið.

[Hamarinn, 13.3.2010 kl. 18:18]

Þessi óskapnaður mun alltaf verða baggi á þjóðinni, þó að menn vilji og reyni að telja sér trú um annað.