Færsluflokkur: Dægurmál
Fimmtudagur, 30. október 2008
Hvað gerir gjaldþrota þjóð ?
Ef einhverntíma hefur verið þörf á því að þessi þjóð sparaði svolítið við sig þá er það núna, þegar hún er nánast veðsett upp fyrir haus og snillingar þjóðarinnar einbeita sér að því að slá lán um allar koppagrundir. Ég efast ekkert um að það kunna þeir, enda hefur það komið í ljós að það var eitt af því sem kom okkur á kaldan klaka.
Gott og vel, það getur verið nauðsynlegt að bjarga þjóðinni út úr þessari gjaldeyriskreppu með lánum, sem munu sliga okkur á næstu árum ef ekki áratugum. En hvað gera menn sem eru skuldsettir upp fyrir haus ? Það hefur þótt góð latína fyrir svoleiðis fólk að draga saman seglin og reyna að rétta úr kútnum sem allra fyrst. Almenningur neyðist til þess. En eru ráðamenn byrjaðir á að spara ? Jú, þeir hafa hætt við nokkrar framkvæmdir, t.d. Vaðlaheiðargöng og smíði á nýrri ferju til Vestmannaeyja (eins og fólkið þar hafi bruðlað mest!)
Fólkið, sem flest á enga sök á hvernig komið er fyrir þjóðinni er nógu gott til að taka á sig byrðarnar ? Og er tilbúið til þess, en er þá ekki bara almenn kurteisi að fleiri skelli á sig byrðum ?
Ég heyri ekki betur en að glerminnisvarðar uppgangstímans haldi áfram að rísa í Reykjavík (t.d. Tónlistarhús). Og ráðamenn aka áfram um í rándýrum glæsivögnum. Ekki einn einasti maður hefur staðið upp úr stól sínum vegna þjóðargjaldþrots okkar ! Blóð þjóðarinnar frís undan ægiskilyrðum IMF sem er hvorki spurð né upplýst um þessi skilyrði ! Svo töluðu menn um þjóðaratkvæði við inngönguna í EES ! Hvort er alvarlegra fyrir þjóðina, þetta sem nú hefur gerst eða þá ? Hvað er í gangi ? Er þjóðin jafn andlega gjaldþrota og við erum það efnislega ?
![]() |
Þekkt lögmannsstofa vinnur fyrir Ísland |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Þriðjudagur, 28. október 2008
Skemmtileg umskipti.
Það hafa orðið skemmtileg umskipti á fréttaflutningi fjölmiðla að undanförnu. Þá á ég ekki við þessar sífelldu fréttir af bankakreppunni heldur fréttir af atvinnulífinu. Atvinnulífið er reyndar víða á heljarþröm, en þar er ég ekki að meina slíkar fréttir, heldur hafa fjölmiðlar allt í einu vaknað við að það séu fleiri fréttir af atvinnulífi en verðbréfafréttir.
Undanfarin ár hafa fjölmiðlar ekki haft minnsta áhuga á að flytja fréttir af sjávarútvegi eða landbúnaði heldur mært verðbréfaviðskipti með endalausum pistlum um þann geira atvinnulífsins. - Þar eru hlutirnir að gerast og þar verða peningarnir til. Seðlarnir hreinlega streymdu út úr tölvuskjánum á fimmtu hæðum glerhallanna, svo ekki hafðist undan að setja þá í þokkalegar geymslur. Ef einhver orðaði kjöt eða fisk þá var hinn sami talin hálfviti "hafa menn ekki lært það enn að við lifum ekki á þessu gamaldags striti". Það eru bara hálfvitar sem leggja sig niður við að moka fisk eða reka rollur.
Enda fékkst varla nokkur maður, nema bláfátækir Pólverjar, til að vinna þessa sóðalegu vinnu. Af þessu var ekkert markvert að frétta. Íslendingar voru önnum kafnir við að græða og þess á milli voru þeir að kaupa sér dót.
Nú ber nýrra við og maður glennti upp augun þegar í síðustu viku birtist frétt í sjónvarpinu um síldveiðar við Stykkishólm. Fréttin var örugglega 2-3 mínútur og þar var því rækilega lýst fyrir fáfróðum landanum hvernig síldin synti um í sjónum þar til snjallir veiðimenn veiddu hana í net sín og viti menn, þarna sáum við þetta með eigin augum þar sem þeir soguðu síldina upp í skipið og hún rann ljúflega niður rennurnar og duglegu sjómennirnir unnu hörðum höndum við það að ná sem mestu af þessum kvikindum, sem engin hafði áttað sig á að var bara þarna til þess að láta veiða sig. Og síðan kom rúsínan í pylsuendandum; við gætum selt síldina og fengið gjaldeyri í staðinn. Vá, þetta var stórkostlegt ! Líklega hafa sumir gjaldeyrissoltnir íslendingar hreinlega fallið í yfirlið við þetta útslag í fréttinni. Loksins var lausnin fundin ! Þetta er eins og maður finni vatn í eyðimörk, það hríslast gleðitilfinning um allan kroppinn.
Og fleiri slíkar fréttir hafa komið í blöðum á undanförnum dögum. Íslendingar hafa fundið upp nýjan atvinnuveg sem heitir fiskveiðar, sem allir voru búnir að gleyma.
Þetta eru skemmtileg umskipti.
![]() |
Ljónstygg síld á erfiðu veiðisvæði |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Miðvikudagur, 22. október 2008
Uppskurður íslensks þjóðfélags ?
Í umróti efnahagsþrenginga undangenginna vikna er íslenska þjóðin svolítið eins sjúklingur sem fær afar slæmar fréttir um heilsu sína. Fræðingar hafa þannig skilgreint hvernig sjúklingurinn gengur í gegn um nokkur stig, þegar hann er smám saman að átta sig á þessum alvarlegu fréttum.
Engin vafi leikur á því að íslensk þjóð er gjörsamlega á kúpunni eftir að íslenskir flautaþyrlar töldu sig vera þá klárustu í heimi. Hálf íslenska þjóðin fylltist græðgisfísn á háu stigi og elti þessa gönuhlaupara um allar jarðir og fóru þar ráðamenn okkar fremstir í flokki, eins og alþjóð hefur nú víða séð á gömlum filmum sem gleymst hefur að eyða.
Og skuldaklafanum verður velt yfir á þjóðina. Þeir sem ekki tóku þátt í veisluhöldunum fá að greiða veislukostnaðinn. Þannig hljóðar gamla uppskriftin um hver eigi að bera byrðarnar.
Íslenska þjóðin er nú í heild eða að mestu leyti í einhvers konar afneitun, við upplifum óraunveruleikatilfinningu og trúum líklega ekki að við séum svona illa stödd. Þetta hlýtur að reddast. Það er líklega ekki fyrr en við getum ekki keypt Coko Puffsið sem við áttum okkur almennilega á þessu.
Ég veit ekki hvenær við förum á næsta stig, sem líklega er baráttustigið, þar sem út brýst reiði og ásökun, ásamt því sem reynt verður til þrautar að semja sig út úr aðstæðunum. Alltént erum við núna að reyna að semja við hinn eina almáttuga á þessu sviði, Alþjóða gjaldeyrissjóðinn.
Síst af öllu má íslenska þjóðin við því að kyngja þessu og fara í þunglyndi, þó flestir finni með sér ákveðna sektarkennd, þó ekki sé nema fyrir það að hafa dáðst eitt augnablik að dýrðinni og glasaglaumnum.
Nauðsynlegt er að fara fljótt á úrvinnslustigið og sættast á orðinn hlut.
Það væri í hróplegu ósamræmi við tilefnið, ef þjóðin, eða það sem eftir verður af henni þegar tugþúsundir hafa flúið skerið, mun ekki krefjast uppskurðar eða öllu heldur krufningar á öllu heila klabbinu eins og það leggur sig. Fyrst þarf að flaka bankakerfið og setja í gamaldags pakkningar. Ekki kæmi síðan á óvart nema menn vildu úrbeina íslenska pólitík, a.m.k. þarf að beinhreinsa þokkalega á þeim vígstöðum. Vinavæðingu og ætternisorma þarf svo að plokka úr því sem þá stendur eftir.
Eftir allt þetta ætti þjóðarlíkaminn að vera til reiðu fyrir næstu kynslóð.
Dægurmál | Slóð | Facebook | Athugasemdir (0)
Föstudagur, 10. október 2008
Þáttur fjölmiðla.
Margir hafa risið upp að undanförnu og sagt "I told you so". Ef svona margir hafa verið að vara íslenska þjóð við síðustu misserin þá leiðir það hugann að því hvers vegna þeir náðu ekki eyrum og augum okkar ?
Höfðu fjölmiðlar ekki nægilegan áhuga á þessum viðvörunum eða hentaði það þeim ekki ? Eru ekki sömu menn sem eiga þessi útrásarfyrirtæki og eiga marga af áhrifamestu fjölmiðlum landsins.
Var það ekki þetta sem fjölmiðlalögin áttu að koma í veg fyrir ?
![]() |
Tímaspursmál hvenær leitað verður til IMF |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)
Föstudagur, 10. október 2008
Getur verið mjög nauðsynlegt.
Það getur oft verið nauðsynleg varúðarráðstöfun að "frysta" eigur í þrotabúi með skjótum aðgerðum, þetta eru bretar að gera. Í því samhengi er vert að velta því fyrir sér með hvaða hætti við erum að gera þetta hérlendis?
Það hefur komið fyrir að menn hafi hlaupið út úr þrotabúum með reiturnar svona korter í tólf, en í dag er þetta allt saman auðveldara, það þarf stundum ekki nema eitt ENTER. Þess vegna þurfa viðbrögðin að vera skjót.
Með þessu er ekki verið að segja að eitthvað gruggugt sé í gangi, þetta er eðlileg varúðarráðstöfun og ætti að vera það hérlendis líka.
![]() |
Ekki bara hryðjuverkalög |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Mánudagur, 6. október 2008
Ferð með skipinu St. Ola.
Dægurmál | Slóð | Facebook | Athugasemdir (0)
Sunnudagur, 14. september 2008
Hjólaklúbburinn endurvakinn.
Eftir umferdina í dag var ónaent uppákoma hjá strákunum tegar reidhjól bidu teirra eftir matinn. Var farid í 5 tíma hjólreidartúr um nágrennid og mikid hlegid og skemmt sér vel.
Valur Marvin lenti í Fasana árás ad verri gerdinni og átti fótum fjör ad launa undan trylltum fasanakörlum sem voru ad verja sitt svaedi og héldu ranglega ad Valur vaeri nýr karl á svaedinu, en eftir á tókum vid eftir tví ad hann var í samlitri treyju og bakid á fasönunum.
Tekid var sólbad á ströndinni og týnd epli af trjánum, sem einmitt nú eru fulltroskud. Farid á hamborgarastad, sem var strákunum kaerkomid, tar sem teir gefa ekki mikid fyrir faedid hér.
Tad var komin tími til ad ABC hjólreidarklúbburinn yrdi endurreistur eftir tvö ár frá tví ad hann lagdi upp laupana í Búlgaríu. En sem sagt, hann er komin á legg ad nýju og kröftugri en nokkru sinni.
Medlimir klúbbsins eru nú med rasssaeri.
En strákarnir eru nú í tvískákkeppni med dönunum og skemmta sér konunglega, heyrist mér.
Dadi Steinn var ordinn hress eftir ad hafa lagt sig í tvo tíma eftir umferdina í morgun. Hann leikur nú vid hvern sinn fingur eftir ad hafa gubbad nokkrum sinnum í nótt og í morgun.
Tessi mynd var tekin skömmu fyrir árásina.
Vid maettum tessu ágaetu hjónum á leid okkar.
Dægurmál | Slóð | Facebook | Athugasemdir (1)
Laugardagur, 13. september 2008
Eyjastrákar sigrudu Finna 3 - 1 !
Nú var vidureign okkar og Finna I ad ljúka og fór 3 - 1 fyrir okkar strákum. Stórkostlegt eftir tap í morgun. Strákarnir bitu svo sannarlega í skjaldarrendurnar og létu ekki ósigur á sig fá og lögdu Finnlandsmeistarana.
Fyrst kláradi Dadi Steinn á ödru bordi, eftir ad hafa nád betra í endataflinu og landadi vinningi haegt og örugglega eins og hann gerir í tannig stödu 1 - 0 fyrir Ísland.
Sídan var komid ad Óla Frey, á 3 bordi, hann vann mann í midtaflinu og hélt ótraudur í endataflid, tar sem hann neytti aflsmunar og endadi med 3 fríped, vakti upp drottningu og stadan var ordin 2 - 0 fyrir okkur og allt á sudupunkti hjá hinum skákunum.
Kristófer á fyrsta bordi lenti í einni af tessum lokudu og flóknu stödum og varla búid ad drepa einn einasta mann tegar tíminn hjá okkar manni var ordin ansi lítill (10 mín) á medan hinn átti eftir klukkustund. Kristófer tók tann kost med svart ad loka öllum innrásarleidum og tegar finninn var komin nidur í 15 mínútur og ekkert gekk, sömdu teir jafntefli 2,5 - 0,5 fyrir Eyjastráka.
Valur Marvin á 4 bordi lenti í hreinum rússibana, lenti manni undir, en tá sannast hid fornkvedna, tad er ekki búid fyrr en tad er búid, og í endatafli med hrók og 4 ped á móti hrók, riddara og 5 pedum nádi hann riddaranum. Finninn gafst tó ekki upp og reyndi allt hvad hann gat, med 3 ped á móti 2 auk hróka, ad finna leid upp med pedin. En Valur stód vaktina og fyrir rest sömdu teir jafntefli - úrslitin 3 -1 fyrir Eyjapeyja.
Sigur hjá okkar kornungu drengjum á móti sterkri finnskri sveit sem var í toppbaráttunni hér. Teim er greinilega ekkert ómögulegt !
Hvernig vaeri nú ad láta heyra í sér, ef einhver er ad lesa tetta.
Dægurmál | Breytt s.d. kl. 13:59 | Slóð | Facebook | Athugasemdir (9)
Laugardagur, 13. september 2008
Bitid í skjaldarrendurnar.
Álandseyjar eru ekkert ósvipadar Vestmannaeyjum, hér allt fremur smátt í snidum og íbúarnir vita ekki alveg hverjum teir eiga ad tilheyra.
Hér má finna ýmsa samsvörun med Eyjamönnum, sama fólkid gengur hér um göturnar og má sjá í Eyjum. Stebbi Gilla teirra Eyjaskeggja hefur verid ad fylgjast med mótinu og Sigurjón Taxi ekur hér um göturnar. Sparisjódur teirra eyjaskeggja er á sínum stad og ádan hittum vid Kristínu teirra Álendinga í upplýsingamidstödinni hér.
Mest hissa urdum vid í gaer tegar vid maettum Hermanni teirra Álendinga, tarna var hann bara maettur, med hatt og öll halningin á teim eins og sú sama og á okkar manni. Hann virtist meira ad segja vera alls stadar, tví vid vorum alltaf ad rekast á hann.
Annars eru allir í gódum gír og strákarnir bíta í skjaldarrendurnar tessa stundina í vidureigninni vid Finnana.
Pommern, eina og sídasta vardveitta seglskipid er hér skammt frá hótelinu.
Dægurmál | Breytt 14.9.2008 kl. 05:32 | Slóð | Facebook | Athugasemdir (2)
Laugardagur, 13. september 2008
Morgun hinna löngu hnífa.
Tap gegn Noregi 4 - 0 og ekki ord um tad meir.
Dægurmál | Slóð | Facebook | Athugasemdir (2)