Ekkert göngufæri innanbæjar.

  Ég var að koma gangandi ofan af lögreglustöð og heim.  Þessi spotti er ekki langur, kannski 10 mínútur en Ásavegurinn reyndist þrautinni þyngri undir fótinn og skaflar alla leið innúr.  Þessi sex húsa leið var nánast ófær gangandi, en eftir að hafa litið yfir ástandið sá ég að líklega væri best að koma sér að grindverkunum og fikra sig svo eftir þeim og ofan á þeim inn eftir götunni.  Eftir smá barning komst ég svo heim í heitar pönnukökur sem biðu eftir mér ásamt fjölskyldunni.

  Skaflarnir eru svo gljúpir að þungir menn eins og ég sökkvum bara hreinlega niður úr þeim og komumst ekki lönd eða strönd.  Þá mega menn heldur ekki vera of klofstuttir, því þá er hætt við að menn sitji fastir á afturendanum, en sem betur fer er ég með kloflengri mönnum svo ég slapp við slíkar uppákomur.

  Eftir þessa gönguför ráðlegg ég ekki nema þeim sem eru í góðri líkamlegri æfingu að klofa þessa skafla (og ekki í gallabuxum).

  Helstu stofnleiðir eru þó vel færar gangandi fólki, það er bara svona í botnlöngum sem ástandið er slæmt.

 Þessi mynd er ekki tekin á Ásaveginum.

Vont veður í Vestmannaeyjum

Ísland í 2 sæti.

  Nú eftir 5 og næstsídustu umferd er stadan í stigakeppni keppnistjódanna á NM unglinga í skák tessi:

1. Noregur 32 vinningar

2. Ísland 29,5 vinningar

3. Finnland 26 vinningar

4. Svítjód 25,5 vinningar

5. Danmörk 19 vinningar

6. Færeyjar 18 vinningar.

  Nú er um ad gera ad halda sætinu á eftir, reyndar keppa íslendingar innbyrdis á tveimur bordum.

Unnu Svítjód 4-0 í fótbolta.

  Litlu strákarnir fóru í fótboltakeppni ádan, sem Svíarnir höfdu skipulagt og gjörsigrudu sænska lidid 4-0, enda allir í boltanum, eins og Hemmi segir.

Stórkostlegri 5 umferd lokid - Kristófer vann !

  Nú er fimmtu umferd lokid og med stórkostlegum árangri íslensku strákanna, 8,5 vinningar í hús !!  Fyrr í morgun birtist Kristófer og hafdi unnid sína skák á móti dananum, Farzam Firooznia, sem hafdi bodid Kristófer jafntefli 5 sinnum, en okkar strákur hafnadi bodinu alltaf jafnódum.

  8,5 vinningar í hús !

29,5 vinn. af 50 eda 59% vinningshlutfall !

  Lokastadan hjá íslendingunum er komin. Dadi og Dagur Andri voru ad vinna sínar skákir.

  Tetta er tví tannig ad Kristófer, Dagur R., Svanberg, Patrekur, Dagur Andri, Sverrir, Dadi og Gudmundur unnu sínar skákir, Atli gerdi jafntefli en Fridrik tapadi.

  Ofangreint er enn birt án ábyrgdar !

  Annars finnst mér afar fáar athugasemdir hér og hef tad sterklega á tilfinningunni ad engin sé ad lesa tetta blessada blogg hjá mér, nema Gunnar skak.is, Bjössi Thorfinns. og Maggi Matt.  Gaman ad tví.  Vona ad tetta snöggsodna fréttaform henti ykkur og mun ég e.t.v. reyna tetta aftur í kvöld ef tid viljid - segid ykkar álit hvort tid hafid áhuga á svona stanslausum fréttum af skákstad ?

  Hér má sjá keppendur tefla skák á ís (myndin er ekki tekin hér í Tjele).

70 % vinningshlutfall.

  Í 4 umferd fengu íslensku keppendurnir 7 vinninga af 10 og eru tar med komnir med 52,5% vinningshlutfall (21 vinning) í mótinu til tessa.

 Já, nú eru prósenturnar okkur í hag !

 

Kristófer sigradi.

  Nú er fjórdu umferd lokid.  Kristófer sigradi eftir miklar flugeldasýningar á móti svía, Stenhammer ad nafni.

  Ádan fórum vid á ferskvatnsfiskasafn i Silkiborg.  Tad var áhugavert, sérstaklega fyrir okkur Eyjamenn, sem eigum okkar sjávarfiskasafn.  Greinilegt er ad margt má læra af dönunum, sem setja safnid skemmtilega upp.

 Tessi mynd var tekin fyrir utan Aqua fiskasafnid í Silkiborg ádan (takid eftir tví hvad vedrid lék vid okkur).

3ju umferd lokid hér i Tjele.

  Loksins ad madur nennir ad blogga hér í ferdinni.  Tid erud örugglega ordin leid ad líta inn á bloggid.  En sannleikurinn er sá ad prógrammid er svo stíft ad tad vinnst enginn tími til neins.

  Í gær sat ég einn rólegasta fund sem ég hef nokkru sinni setid, í 2 og 1/2 tíma stód fundur Nordurlandanna i skólaskák og menn töludu svona eins og í bíómynd sem er sýnd hægt.  Ég var alveg ad missa tolinmædina, en af tillitssemi vid Palla formann sat ég á strák mínum og horfdi á ordin hanga í loftinu.  Tad sem fram kom á fundinum var annars áhugavert.  Færeyjingar eru ad gera góda hluti i skákinni og tar er öflug unglingaskák og teim tótti gaman ad heyra hvad vid erum ad gera i Vestmannaeyjum og höfdu sérstakan áhuga á Maraton skákinni um næstu helgi.  Danir missa unglingana úr skákinni um 14 ára aldurinn og daninn sagdi ad unga fólkid væri mjög ótolinmótt og tad sendir sms milli sín í gríd og erg.  Og ef kærastan svarar ekki sms-inu innan 2ja mínútna hlýtur hún ad vera byrjud med ödrum eda tá ad hún hafi framid sjálfsmord ...

  Íslendingarnir voru med 50% vinningshlutfall bædi i 1 og 2 umferd, en nú í 3ju umferd fengu teir 4 vinninga af 10, svo hlutfallid er komid nidur fyrir 50%.  En tad verdur bætt úr tví í kvôld.  Kristófer tapadi fyrir Svía í fyrstu umferd, en sigradi finnska stúlku í annarri umferd og ádan tapadi hann fyrir hinum finnanum, en í endatafli hafdi hann biskup á móti riddara og jafnmôrg ped, en riddarinn reyndist sterkari og tap stadreynd.

  Tad var gaman í gær tegar Gudmundur Kjartansson sigradi færeyjinginn sterka Helga Dam Ziska, stigahæsta manninn og vonandi verdur Gummi i gódum gír áfram.

  Á eftir förum vid í ferd á ferskvatnsfiskasafn svo tetta verdur strembinn dagur.  Strákarnir, (já, frá Íslandi koma 10 strákar en engin stúlka) sofna daudtreyttir á kvôldin og tad tarf ekkert ad sussa neitt á tá, enda taka tvær umferdir á dag sinn toll af orku teirra, skyldi madur ætla !

  Jæja, ætli eg reyni ekki ad blogga oftar.  En ef tid setjid ekki athugasemdir fæ eg a tilfinninguna ad engin se ad lesa tetta og hætti audvitad.

 Hér er stadurinn.  Vid gistum í rauda húsinu lengst til hægri a midri mynd (heimavist nemenda), en keppnin fer fram i skólanum sjálfum, (nedst á myndinni) en í skólanum er sérstök skáklína fyrir nemendur.

Norðurlandamót í Danmörk

  Það er langt síðan ég hef bloggað, en fyrst við feðgarnir erum að fara til Danmerkur á Norðurlandamót í skák þá er best að nota þessa síðu til þess að segja frá gengi okkar á mótinu.

  Við förum í fyrramálið kl. 8 frá Keflavík til Kaupmannahafnar og síðan til Arhus, en keppnin fer fram í Tjele sem er þar spottakorn frá skylst mér.

  Mótið er 6 umferðir, tvær á dag, fimmtudag til laugardags.  Keppt er í 5 aldursflokkum og keppa tveir frá hverri þjóð í hverjum flokki, þetta eru 10 keppendur frá Íslandi, en aðrir keppendur koma frá gestgjöfunum Danmörku, Svíþjóð, Noregi, Finnlandi og Færeyjum eða 12 keppendur í hverjum flokki.

  Jæja, þetta er nóg til í bili.

 

  Leifsstöð.

Sami árangur og í fyrra.

  Í gær fóru liðsmenn Taflfélags Vestmannaeyja snögga dagsferð á Íslandsmót Unglingasveita. Við fórum tveir, ég og Ólafur Týr með 8 stráka með Herjólfi um morguninn og tókum bíla í Þorlákshöfn.  Mótið var haldið í Garðabæ og hófst kl. 14, sem er reyndar afleitur tími fyrir okkur, því þá lendum við í tímaþröng fyrir Herjólf um kvöldið.  Eins og oft áður fórum við burt af keppnisstað áður en verðlaunaafhendingin hófst, sem er auðvitað leiðinlegt fyrir okkar keppendur, en kom þó ekki að sök núna þar sem engin verðlaun komu í okkar hlut.

  Fyrst var farið í Smáralindina og Subways heimsóttur - Hrikaleg umferð er nú þarna í kring!

  A-sveitin var skipuð þeim Nökkva, Bjart Tý, Alexander og Sindra Frey, en B-sveitin þeim Daða Stein, Kristófer, Ólafi Frey og Sigurði.

  Eins og í fyrra lenti A-sveitin í 4 sæti og B-sveitin í 8 sæti.  Ég hefði kosið að báðar sveitirnar hefðu hækkað sig eitthvað, en svona er þetta.  Hlutirnir voru reyndar alls ekki að falla með okkur og sá ég nokkrar skákir sem voru vænlegar en töpuðust, en sá ekki nema e.t.v. eina sem var vænleg í hina áttina en við unnum.  Þannig er þetta bara stundum.

  Margir strákanna voru að tefla vel.  Alexander vann t.d. 6 af sjö skákum sínum og var nálægt því að fá borðaverðlaun.  Sindri Freyr, Kristófer og Sigurður unnu 4 skákir af 7.  Ég sá margar áhugaverðar stöður og skákir og sýndist t.d. Daði Steinn vera í góðum gír og ná góðum stöðum á móti sterkum andstæðingum á 1 borði.

Gamli karatemeistarinnn kominn í annað sport.

  Honum er ekki alls varnað okkar gamla vini, nú er hann búinn að leggja beltið á hilluna og kominn undir stýrið.  Gott hjá þér Jonni.  Jón Ingi gerði góða hluti með mínu gamla félagi, Þórhamri, og stjórnaði því af röggsemi um tíma.  En sem sagt, honum er fleira til lista lagt.

  Karatemaðurinn og formúlumaðurinn Jón Ingi Þorvaldsson að taka við viðurkenningu ásamt Eddu Blöndal.

Jón Ingi sýndi keppnishörku í Snetterton

Mikill samhugur í Eyjaliðinu.

Íslandsmót skákfélaga. 

   Um helgina fór fram Íslandsmót skákfélaga í Reykjavík.  Þetta er stærsta skákmótið fyrir hinn almenna skákmann og skiptist í tvo hluta, fyrri hluti á haustin og seinni hlutinn á vorin.  Í mótinu keppa taflfélög landsins í 4 deildum og eru keppendur um 400 í yfir 50 sveitum.  Taflfélag Vestmannaeyja hefur átt sveitir í 1. deildinni þar sem barist er um Íslandsmeistaratitilinn, en einnig í 3. og 4. deild.  Á síðustu árum hefur félagið gert harða hríð að titlinum og fengið til liðs við sig erlenda stórmeistara og aðra sterka íslenska skákmenn og 2005 hlutum við 3 sæti, annað sætið 2006 og í vor höfnuðum við aftur í öðru sæti eftir spennandi úrslitaviðureign.

  Síðastliðið vor var sú ákvörðun tekin í stjórn Taflfélagsins að hætta að kaupa erlenda stórmeistara til félagsins í þeim tilgangi að freista þess að vinna titilinn.  Í kjölfar þessarar ákvörðunar gengu nokkrir íslenskir skákmenn, búsettir utan Eyjanna úr félaginu.  Stjórn félagsins taldi nauðsynlegt fyrir félagið að vinna tíma til þess að endurheimta krafta sína í þeim skilningi að rétta úr kútnum fjárhagslega.

Fyrsta deild. 

   Með þetta í farteskinu var farið í mótið að þessu sinni og ljóst að lið okkar yrðu miklu mun slakari en undanfarin ár.  Reynt var að tjalda því sem til var og margir góðir menn vildu halda áfram að tefla fyrir félagið og má þar nefna fremsta í flokki Helga Ólafsson stórmeistara, Sævar Bjarnason alþjóðlegan meistara, Páll Agnar Þórarinsson og Stefán Þór Sigurjónsson.  Þessir menn og auðvitað okkar bestu heimaskákmenn þeir Sverrir Unnarsson, Sigurjón Þorkelsson, Ólafur Týr Guðjónsson og Þórarinn Ólafsson settust að tafli til þess að berjast við hákarlana í 1 deild.  Liðið fylltum við svo með hinum unga Nökkva Sverrissyni og hinn aldni höfðingji Kári Sólmundarson, fyrrverandi Vestmannaeyjameistari kom og tefldi eina umferð um helgina.  Fyrirfram var augljóst að á brattann var að sækja.  Í fyrstu deild er mökkur af stórmeisturum og var dagsskipunin að berjast til síðasta manns í bókstaflegum skilningi á skákborðinu.  Afrakstur helgarinnar var furðu góður, því við skröpuðum saman heilum 6 vinningum og þeir Páll Agnar, Þórarinn, Sverrir, Sigurjón og Nökkvi náðu ýmist vinningi eða jafntefli á móti miklu sterkari skákmönnum.  Helgi Ólafsson náði 50% vinningshlutfalli á fyrsta borði 1 ½ vinningi.  Þó er ljóst, það sem fyrirfram var vitað, að liðið mun að öllum líkindum tefla í 2 deild að ári.

Þriðja deild. 

   Ekki var þörfin minni fyrir b-sveitina, sem með seiglu hafði unnið sig upp í 3 deild 2006.  Nú voru liðsmenn hennar allir að berjast í fyrstu deildinni.  Því var þörf á að styrkja sveitina og þá gerðist það sem fáir áttu von á að maður gekk undir manns hönd og eftir mikla eftirgrennslan voru fjölmargir tilbúnir að mæta til leiks og er á engan hallað þegar þar er nefndur fyrstur til sögunnar Arnar Sigurmundsson, en fleiri komu þar að og lögðu lóð sín á vogarskálarnar, þingmaður Eyjamanna Lúðvík Bergvinsson, Andri Valur Hrólfsson fyrrum formaður Taflfélagsins, Stefán Gíslason einnig fyrrum formaður, Ólafur Hermannsson líka fyrrum formaður , Þorvaldur Hermannsson, Sævar Helgason, Ægir Óskar Hallgrímsson og auðvitað strákarnir okkar í félaginu þeir Alexander Gautason og Sindri Freyr Guðjónsson.  Staðan eftir fyrri hlutann er sú að sveitin er í 7 sæti af átta með 7 vinninga og munar einum vinningi á að okkur takist að komast í 6 sætið sem dugir til að halda okkur í deildinni.   Mun lögð áhersla á að freista þess, en ljóst að sú barátta verður hörð.  Einnig þarna voru liðsmenn TV að tefla langt upp fyrir sig, en stóðu sig samt ótrúlega vel og athygli vakti að kempurnar Arnar, Andri og Lúðvík, sem ekki eru tíðir gestir á skákmótum höluðu drjúgt inn fyrir sveitina.  Þá náði hinn 13 ára gamli Sindri Freyr vinningi í sinni skák.

Fjórða deild. 

   Í öftustu deildinni er mikill fjöldi sveita og mættu að þessu sinni 27 sveitir og sendu Eyjamenn strákasveit til keppni, c-sveit TV.  Í stuttu máli má segja að strákarnir hafi staðið sig með mikilli prýði, eru í 11 sæti og hafa unnið 13 skákir af 24, sem er hreint stórkostlegt hjá svo ungri sveit, tveir eru 10 ára, tveir eru 11 ára og síðan tveir 13 og 14 ára. Þetta eru þeir Sindri Freyr Guðjónsson, sem tefldi þrjár umferðir með sveitinni, Alexander Gautason, sem tefldi eina umferð, Bjartur Týr Ólafsson, Kristófer Gautason, Daði Steinn Jónsson, Ólafur Freyr Ólafsson og Nökkvi Dan Elliðason.  Þeir sigruðu hvern andstæðinginn á fætur öðrum, en líklega var viðureignin við Skáksveit Ballar eftirminnilegust, þar sem þeir tefldu við unga menn úr Verslunarskólanum, sem þarna voru greinilega mættir til að hafa gaman af hlutunum því þeir hófu leikinn á því að bjóða okkar strákum upp á kökur og gos og með skákinni.  Úrslitin urðu 5-1 fyrir okkar mönnum, sem þurftu að gefa eina skák á 6 borði, þar sem vantaði inn mann.

Það sem eftir stendur.

   Eftir helgina stendur það uppúr hve mikill hugur var í stuðningsmönnum félagsins, allir voru tilbúnir til að leggja sitt af mörkum til þess að gera hlut Eyjanna sem bestan.  Ekki má svo gleyma því að ungu skákmennirnir okkar stóðu sig afar vel og þeim eldri tókst að velgja nokkrum stórmeisturunum undir uggum.  Stefnan verður tekin á að hafa lið í 2 og 3 deild að ári, en þá verða menn líka að halda sjó og mæta til leiks í vor.  Það er alls ekki slæmur árangur á meðan byggt er að langmestu leyti á Eyjamönnum sjálfum. 

Níu formenn mættir á staðinn.

   Það er líka gaman að geta þess að á skákstað benti einhver á það að á staðnum voru hvorki fleiri eða færri en 9 fyrrum formenn Taflfélags Vestmannaeyja.  Þetta voru þeir Arnar Sigurmundsson (1962-65), Andri Valur Hrólfsson (1972-74), Össur Kristinsson (1974-79) nú í Haukum, Guðmundur Búason (1979-82) nú í TR, Sigurjón Þorkelsson (fjórum sinnum formaður á árunum 1987-2003), Stefán Gíslason (tvisvar formaður á árunum 1989-1997), Ágúst Örn Gíslason (1998-99) teflir nú í Víkingasveitinni, Magnús Matthíasson (2003-2007) teflir nú með SSON og núverandi, sá sem þetta skrifar.